Jambalayafjelagið

Jól og áramót

Fri, 28 Dec 2007 14:26:50 GMT

Sæl krakkar og gleðileg jólin og farsælt komandi ár.

Eins og fyrri ár nennti ég ekki að skrifa jólakort... en ég er búin að fá á mig pressu á myndajólakort á næsta ári, sjáum til...

Up date

Mon, 03 Dec 2007 19:41:59 GMT

Allo Allo, það er allt fínt að frétta af mér og mínum. Maginn stækkar og stækkar með tilheyrandi óþægindum. Fólk finnst ég vera orðin ansi stór miðað við að vera BARA komin 6 mánuði, og halda að ég sé bara kominn á tíma. En ég eignast þá bara massað barn! Ég þyrfti að fara að setja inn mynd af magnum eða er það kannski ekki viðeigandi fyrir viðkvæmar sálir.

Og desember er byrjaður með tilheyrandi frost og snjó, eins og það á að vera!! Vá hvað ég saknaði snjós, kraps og slyddu í desember í Rvk. Hér er allt til alls, nóg af þessu og ég þyrfti að fara láta kallinn moka tröppurnar svo ég komist slysalaust inn og út ;) Við erum búin að skreyta og erum við mjög hógvær enda ekki mikil jólamanneskja sem þetta skrifar. Við hentum þó saman í ágætis aðventukrans sem var rosa gaman, svei mér þá ef að það sé ekki aðeins meiri jólastemmari þegar maður er að skreyta sitt eigið heimili...

Ég ákvað að vera ein jól í viðbót í foreldrahúsum og verð komin suður um 18. des, áramótunum ætla ég svo að eyða með kallinum á Akureyri. Eins löt og ég er venjulega stefni ég að því að hitta alla sem ég þekki í Rvk um þessi jól :D

En þangað til...

Besti vinurinn?

Mon, 29 Oct 2007 19:56:49 GMT

Er alveg eðlilegt í íslensku atvinnulífi í dag að vera á msn í vinnunni? Ég var að velta þessu fyrir mér um daginn þegar ég var í ömurlegu vinnunni minni að hringja í fyrirtæki vegna skoðunnarkönnunar. Þá var hún Tobba við hliðina á mér að spyrja hvar msn-ið væri. Tobba er svona 42 ára og er alveg týpísk Tobba. Mér fannst merkilegt þar sem vinnan okkar gengi út á það að lesa upp það sem stóð á tölvuskjánum að hún vildi vera á msn...

Mér fannst það reyndar ósköp þægilegt í skrifstofuvinnu minni þessi 2 ár, og það að sign-a mig inn var það fyrsta sem ég gerði þegar ég kveikti á tölvunni, gott ef það var ekki bara á automatic. Og það að msn-a á Ásu eða Völu hvort það væri ekki komin tími til að kíkja til veðurs þegar þær sátu ekki nema 10-12 skref frá mínu borði fannst mér frábært. Eins í sumar fannst mér gott að geta bara msn 2 setningar á aðra hótelstjóra eða á samstarfskonur mínar á skrifstofunni í staðinn fyrir að þurfa að hringja og enda í e-ju spjalli í 10-15 mín. Msn-ið er orðið rosalega stór hluti af okkar samskiptum í dag og á flestan hátt alveg ótrúlega hentugt og hagkvæmt. En ætli yfirmenn fyrirtækja viti af því að með aðeins einu músarklikki geta óbreyttir starfsmenn haft samskipti við vini sína án þess að hann komist nokkurn tímann að því.

Hvað segið þið, er msn orðið eðlilegur hluti af vinnuumhverfinu í dag eða er það bara ein önnur afsökunin til þess að þurfa ekki að vinna?

Góðan dagnn daginn daginn...

Tue, 16 Oct 2007 21:39:08 GMT

Ég...

lokaði Fosshótel Laugum 26. ágúst...

meikaði ekki að fara í skólann og svaf í 2 vikur...

fór suður í brúðkaup og horfði á helstu tónlistarmennina í dag spila og kjammsaði á hrárri nautalund, Í svörtum fötum lokaði svo kvöldinu...

fór til New York með Jón Inga í viku, ég verslaði, fór í matarboð til Josephine vinkonu í Brooklyn, fór í dagsferð til Niagara falls, var árétt kynferðislega með kálfakáfi í subway-num, sá skrúðgöngu þjóðverjafélagsisn í NY og daginn eftir sá ég Mexicana þramma niður göturnar og sá það merkasta og flottasta...

kom heim og uppgvötaði hvað það er að vera atvinnulaus í fyrsta skiptið frá 14 ára aldri...

fékk vinnu og byrjaði í dag sem spyrill í fyrirtækjakönnunum...

já og svo er í ólétt, er komin 20 vikur þannig að þessa geimvera hefur væntanlega laumað sér inn, í sveitarómantíkinni á Laugum í sumar. Fann sem betur fer lítið fyrir óéttunni í sumar, nema þá í síþreytu og hafði þangaði til í síðustu viku aðeins tekið eftir stækkandi brjóstum og maga, en þá fann ég nefnilega hreyfingar.

Nema þá að þetta sé bara gas... en ég fæ úr því skorið á fimmtudaginn, en þá fer ég í sónar og fæ vonandi að vita hvors kyns geimveran er, glætan að ég hafi þolinmæðina til að bíða 4 og 1/2 mánuð í viðbót.

Hvölum hvalin

Sun, 19 Aug 2007 15:34:26 GMT

Eitt af því sem ég geri í móttökunni hér á Laugum er að selja miða í hvalaskoðun. Ætíð spyrja þessir vesældar útlendignar hvenær sé best að fara upp á að sjá hval, morgnana, kvöldin, um kaffitímann... og hvort að þeir komi frekar upp að leika sér þegar það er rigning eða þegar það er sól. Í hvert sinn stend ég á gati, segi að Skjálfandinn sé nú ekki dýragarður og það sé bara happ og glapp að sjá þessa risa undirdjúpanna.

Þannig að ég lét reyna á það í dag að fara í hvalaskoðun svo ég geti sagt frá eigin reynslu næst þegar ég þarf að upplýsa útlendingana. Við fórum þrjár héðan frá Laugum kl 9 í morgun í blíðskaparveðri, það var ekki gára á sjónum og varla mælanlega gola og glampandi sól. Að sjálfsögðu stilltum við okkur í stefnið á duggunni til að geta séð sem best. Ég fór náttla bara í hettupeysu og sportbuxum út á sjó eins og í gamla daga þegar ég fór með pabba og nonna frænda á trillunni út í Þistilfjörðinn, og var ekki að spá í það að þetta er 3 tíma ferð!!!

Ég var búin að heyra að þetta sumar er alveg óvenju lítið af hvöldum í Skjálfandu, Hafró búið að gefa út veiðileyfi á allar skepnurnar, þannig að ég var ekki bjartsýn. Við sáum bara marglyttur og lunda á leiðinni út Skjálfandann. Ég var bókstaflega að krókna úr kulda þarna fremst með norðurísskautsvindinn beint í smettið og var orðin frekar vonlítil og dofin í framan. En eftir um klukkutíma siglingu þá sáum við e-ð -hughes rétt fyrir ofan sjávarborðið. Voru þar á ferð tveir 15-17 metra hnúfubakar á ferð!!! Djöfuls flykki sem þetta voru, en þeir eru svalir þessir hvalir, þeir blésu hvað þeir gátu áður en þeir köfuðu aftur niður á ca 200 metra dýpi ( ég lærði þó e-ð í leiðsöguskólanum ;) ). Við bíðum þarna í 10 mín í viðbót á sama stað, þangað til þeir komu aftur upp 50 metrum frá bátnum og þá var bara gefið í, í átt að þeim og voru þeir ekki nema í 5 metra fjarlægð frá bátnum. Þetta var geðveik sjón, ég gerði mér enga grein fyrir því hvað þetta eru stór kvikindi.

En þegar þeir köfuðu niður annað sinn þá sagði guidinn: "Nú þurfum við að fara aftur til Húsavíkur af því að það tekur svo langan tíma!" Það finnst mér asnalegt. Maður siglir í klukkutíma og korter út á ballarhaf, sér hvali í 20 mínútur og þarf svo að fara að snúa við af því að við erum svo langt frá Húsavík. Asnalegt, eins gott að þetta var frí ferð. Fáið ykkur hraðskeirðari báta svo að maður geti skoaða hvalina í hvalaskoðun. Þetta var eins og að vera í rússibana sem fer bara einn hring!!!

En þessir hvalir eru svalir ;) og það er sorglegt að við íslendingar séum að veiða þá í "tilraunaskyni" fyrir Hafró, það eru ekki margir hvalir sem halda þessum business gangandi á Íslandi, alla vega ekki á Húsavík, veit ekki hvernig þetta er í Reykjavík eða á Suðurnesjunum. Þessir hnúfubakar sem ég rakst á í dag, hafa verið í Skjálfandanum í 3 daga. Stelpa sem vinnur hjá mér hefur farið 3svar í hvalaskoðun í sumar og í 2 skiptið sjást ekki til hvalar og í 3ja skiptið sá hún 2 höfrunga í nokkrar mínútur.

Þessir hvalir koma upp að ströndum ísland til að matast og makast á vorin og fara aftur á haustin í suðursjó, ég sé engan tilgang í því að drepa þá, þeir hafa engin mælanleg áhrif á fiskistofn okkar Íslendinga.

Ég segi bara eins og formaður verkalýðsfélags Húsavíkur hefur nú sagt 3svar við mig nú í sumar: Allir í skóginum eiga að vera vinir.

Afhverju hann sagði þetta svona oft við mig er önnur saga... 8)

Þetta er að verða búið

Mon, 30 Jul 2007 12:40:24 GMT

Jæja, nú er ég farin að sjá fyrir endann á þessu annasama sumri. Þetta sumar hefur gjörsamlega farið fram hjá mér. Ég er innilokuð á skrifstofunni minni allan daginn og er of þreytt til að fara í sund eða út að labba á kvöldin. Ég legg ekki aftur í svona sumarvinnu.

En þessi hótelrekstur hefur gengið ótrúlega vel, finnst mér allavega ;) miðað við mín fyrri störf og reynslu. En það er bara komin tími til að ég flytji inn í íbúðina mína á Akureyri og kynnist manninum sem ég keypti hana með.

Ég hef séð það að leiðsögn er e-ð sem ég er ekki að fara að gera í framtíðinni. Eftir að hafa fylgst með þessum überstrekktu guidum sem hingað hafa komið, nei, ég ætla að fara í starf þar ég er ekki vinnan mín. Maður verður að eiga sér e-ð líf og kannski fríhelgi af og til....

En 24 dagar í lokun og þá get ég kvatt þettann stað :D

Ýmsir læknar

Mon, 09 Jul 2007 13:10:53 GMT

Ég þarf að fara til læknis og þar sem ég er ekki komin með heimilslækni hér á Akureyrinni þá fór ég í símaskrána til að velja e-n af handahófi. Allir læknar á gulusíðunum er flokkaðir niður eftir sérhæfingu þeirra. En svo rak ég augun í flokk sem heitir Ýmsir læknar.

Þar eru 5 læknar skráðirog svo Domus Medica, og ég er að velta því fyrir mér hvurslags læknar þetta eru, geta þeir kannski bara hjálpað þér með ýmislegt og hitt eða þetta.

Mig langar alla vega ekki að fara til læknis sem sérhæfði sig í ýmsu...

Annars er stuð hér á Laugum, mikið að gera og ég get ekki gert upp við mig hvort fari meira í taugarnar á mér, leiðsögumenn eða starfsfólkið mitt!

Drottinn blessi Ríkið

Fri, 22 Jun 2007 12:51:15 GMT

Alveg er það greinlegt hvað íslenska ríkið og þau ráðuneyti, sofur og stofnanir sem þau reka eru alltof mörg.

Í morgun var ég að leita eftir upplýsingum fyrir Ungverskan starfsmann hjá mér sem þarf að komast til læknis. Þar sem Ungverjland er ekki í EES þurfti ég upphaflega að skrá hana sem "Útlending í atvinnuleit", það gerði ég hjá vinnumálastofnun. Ég vildi sækja um kennitölu fyrir hana hjá Þjóðskrá, en nei, Hagstofan sér um kennitöluveitngar. Því næst sótti ég um skattkort fyrir hana, en þar sem plaggið fá vinnumálastofnun hafði ekki borist ríkisskattstjóra þá þurfti ég að ath eftir viku hvort að hún gæti fengið skattkort.

Svo þarf pían að hitta lækni, allt gott með það. En ég viðurkenni þó að ég yrði ansi smeik ef ég væri í Ungverjalandi og þyrfit að hitta þarlendann lækni, miðað við enskukunnáttu starfsmanns míns. En þar sem hún er ekki komin með formlegt "atvinnuskráningu" þurfit ég að finna út hvort hún þyrfti að borga 40.000 kr í komugjald eða það sama og við hin, 800 kr.

Þannig að ég fór á stúfana, ég hirngdi í Útlendingastofnun(hét EFTIRLIT þangað til í fyrra), þau vissu ekkert um rétt Ungverja til heilbrigiðsþjónust, mér var bent á að tala við þjóðskrá. Þjóðskrá kom af fjöllum og benti mér að tala um Úteldingastofnun. Ég lenti á sömu stelpunni aftur og hún sagði mér að prófa að tala við vinnueftirlitið. Vinnueftirlitið sagði mér að tala við Héraðslækninn í Þíngeyjarsveit. Héraðslæknir í Þingeyjarsveit gaf mér samband við móttökuritara á Sjúkrahúsinu á Húsavík. Og þar fékk ég tíma í dag fyrir hana kl 13.30! Glæsilegt !

Eina sem ég er svoldið stressuð fyrir, Ungverjinn talar sama og enga ensku og ég held að þessa heilsuvandamál sé e-ð kjallaratengt...

Hinn litli heimur er við búum í...

Tue, 19 Jun 2007 20:08:16 GMT

Einu sinni var ég í Tübingen í S-Þýskalandi í 2 vikur með háskólanum. Það var stuð, nema að 2ja vikna kuldatímabilið var akkúrat á þeim tíma sem ég var þarna...

Herdís og Guðrún vinkona voru svo eina og 2 annir í háskólanum í Tübingen...

Og núna er ég með bandasírkan kokk sem býr í Tübingen...

Lítlill heimur...

Þetta mánaðarlega

Tue, 05 Jun 2007 19:10:03 GMT

Jæja... þetta blogg mitt er farið að fyrlgja tíðarhringnum bara. En ég er allavega búin að standa á haus í allskonar útréttingum, það er ekkert grín að ætla sér að reka hótel með sóma. Ég er búin að vera á felygiferð milli Húsavíkur-Akureyrar-Reykajvíkur en er nú loksins sest að á Fosshótel Laugum í Reykajdal. Ég fór sumsé suður um miðjan maí til að sitja námskeið um hótelstjórnun, og í lok þess útskrifaðist ég sem Afþreyingarleiðsögumaður :haha: Loksins loksins! En það er nú saga að segja frá útskriftinni minni.

Ég hafði fengið tölvupóst frá áfangastjóra vikunni áður og það sem ég mundi úr honum var að útskriftin væri hátíðleg, með blóm í barmi, í kirkju, í Kópavogi kl 16.00. Ég var náttla í bæjarferð að versla mér útskriftarföt til kl 15.00 þá brunaði ég heim og sturtaði mig í hvelli. Á útúr dyrunum mundi ég eftir þessu helvítis blómi í barminn og dreif mig þá í blómabúð og keypti síðasta barmblómið í búðinni. Það vildi nú ekki betur til en svo að blómið var þakið e-ju brúnu drasli, kannski pöddum, sem nuddaðist við svarta kjólinn minn. Ég ók af stað upp í Kópavogskirkju en mamma tók þá eftir að fólk streymdi inn í Digraneskirkju í stríðum straumi, ég var full viss um að ég ætti að mæta í Kópavogskirkju. Þar parkeraði ég bílnum og ég mamma og Jón hlupum upp að kirkjunni, þá tók ég eftir að flaggað var í hálfa... mamma neitaði að kíkja inn í kirkjuna, hún var viss um að þar væri jarðaför en ég var viss um að þar væri útskrift. Ég hlustaði þó á mömmu og við brunuðum til baka í Digraneskikjuna. Á slaginu 4 hljóp ég pungsveitt inn í kirkjuna og leitaði að sæti mínu í örviljun. Þetta var raðað í satfrófsröð en ég hafði náttla ekki græna hvar hún byrjaði... Skólameistari kom þá askvaðandi og spurði mig hvað ég héti og svo keyrði hún mig niður í sætið mitt og byrjaði athöfnina. Sem bæ ðe vei var ekki sú skemmtilegasta... En illu er best af lokið, ég er búin með skólann og á að heita skemmtileg núna að atvinnu...

Við Jón og Jóka systir keyrðum svo norður á Akureyri á föstudeginum þar sem við áttum ágætis helgi, þ.á.m. stórgóðu djammi með "stráknum", en shit hvað ég þarf að eignast vinkonur!!! Og nú er ég mætt á Laugar og vinn frá 7-11 á kvöldin... mikið stuð.

Atkvæði á 60 krónur

Wed, 09 May 2007 17:08:41 GMT

Ég kaus í dag untan kjörfundar hjá sýslumanninum á Húsavík. Ég skrifaði undir plagg um að ég væri ég og fór svo inn í klefa þar sem ég valdi stimpil sem þeim staf sem næst stendur mínum pólitísku skoðunum og stimplaði fast á brúnana kjörseðilinn. Ég hefði getað stimplað upp í 20 sinnum þar sem mikið var plássið en ákvað að gera það ekki, ef seðill minn yrði svo dæmdur ógildur.

Svo fór ég fram sem nýsleikt umslagið þar sem fulltrúi sýslumanns setti umslagði sem innihélt stimpil minn í annað umslag og sleikti vel fyrir. Svo var mér tilkynnt það að ég gæti nú alveg skotist með það sjálf á pósthúsið þar sem ég væri hvort sem er svo sein að kjósa. Gerði ég það og ætlaðist ekki til að þurfa að borga undir þetta merka stimplaða plagg, en annað kom á daginn.

Ég greiddi 60 krónur fyrir atkvæði mitt! Eins gott að það verði lykilatriðið sem skilji einn/eina eftir kjökrandi heima en greiði leiðina fyrir hinn/hina inn á þing!

Svo er bara Júró að skella á :)

bruni

Fri, 20 Apr 2007 11:22:53 GMT

Ég fór til Reykjavíkur á miðvikudaginn, kveikti í sjoppu niðrí bæ og fór svo heim um kvöldið...

Það var stuð...

Ég er kona!

Fri, 13 Apr 2007 10:54:08 GMT

Nú erum við búin að koma okkur ágætlega fyrir á Skólastígnum, fyrir utan nokkrar gardínur og myndir á veggina. Páskarnir voru æðislegir, fengum fullt af fólki í heimsókn, þ.á.m. pabba minn sem var strax settur í að hefla, skrúfa og tengja. Mamma kom líka og fór með mér í gegnum í búðina á fagurfræðilegan hátt. Rán og Orri litli voru líka með. Rósa mín elsku aprikósa mætti svo á fimmtudeginum, æðislega gaman að hafa hana. Hún djammaði nú ekkert með okkur þar sem hún er svo gjörn á að sofna yfir vidjó-inu ;) En það var alveg æðislegt að fá hana í heimsókn. Á laugardagsmorgninum vaknaði ég við símann og á hinum endanum var Eva Sleggja mætt á Akureyrarflugvöll og vantaði að láta ná í sig. Það var líka æði að fá hana í heimsókn til að rifja upp gamla tíma. Takk öllsömul fyrir komuna :)

Og talandi um gamla tíma, þá var ég að gramsa í draslinu sem mamma og pabbi komu með, drasli sem ég hef ekki séð í 4-5 ár, m.a. það sem ég átti þegar ég bjó með sleggjunni og kústinum (Unnur) í Goðabyggðinni sælla minninga. Við höfum verið iðular við að semja ýmsar vísur okkur til gamans, og þá oftast um e-ð ósiðlegt og bannað innan 16 ára! Ég var að lesa dagbækurnar mínar síðan í Danmörku sumarið 2002 og interrail dagbókina sem og Austurríkisdagbókina. Í leiðinni ákvað ég að losa mig við gamla drauga úr fortíðinni. Betri Bára 2007 er farin í gang!!!

Nú eru breyttir tímar, ég er orðin 25 ára og er orðin KONA.

Wilkommen

Mon, 02 Apr 2007 15:22:15 GMT

Jæja, við erum orðin formlegir eigendur að Skólastíg 3 :) Það er ekkert grín að flytja, ég er með strengi í rassinum og í höndunum eftir að hafa borið sófa, stóla og borð upp þessar 10 tröppur sem liggja upp að útidyrunum. Formið er alveg farið og ég reikna nú ekki með því að bæta mikið útr því nú um páskana þar sem ég verð ekkert að vinna og með gesti í heimsókn!

Við fengum afhent kl 3 á laugardaginn og gátum fyrst sest niður kl 12 á miðnætti í nýja frábæra sófann og horft á nýja frábæra sjónvarpið okkar. Íbúðin var frekar skítug og er ég ekkert smá fegin að Stefanía á Húsavík hafi tekið að ég sér að þrífa baðherbergið. Ég þreifa eldhúsið á meðan og svo settum við Stefanía samana eldhúsborð og fjóra stóla. Strákarnir settu saman sjónvarpsskenki og... já bara sjónvarpsskenkina og ég hjálpaði þeim að setja saman sófaborðið. Neeee, þeir voru svaka duglegir, Rúmfó passar sig alltaf á því að setja alls ekki allar skrúfur og nagla sem þarf til að setja saman vörur frá þeim og kann ég strákanum miklar þakkir fyrir þolinmæðina.

Ég fór svo útí bakarí í gærmorgun og keypti rúnstykki og ost og skinku og fleira fyrir góðan brunch og fattaði svo þegar ég kom heim að við áttum engan ostaskera :$ Það eru líka engar gardínur inn í eldhúsi né á baðinu... en það á eftir að týnast í búið smá saman. Ég á allavega 6 diska til að geta boðið foreldrum mínum að borða af um páskana :)

Og enn á draslið eftir að hrúgast inn því mamma og pabbi erum að koma um helgina með e-ð sem ég "gleymdi" í geymslunni....

Þessi lýsir ástandi flutningsdagsins best:

Hvað þarf marga karlmenn til að opna bjórdós?

Engan, dósin á að vera opin þegar konan kemur með hana.

Eða hvað...? Ég lagði alltent test fyrir Jón sem ég ætla að sjá á miðvikudaginn hver staðan er á, muhahahahaha

Flytja flytja og flytja

Fri, 30 Mar 2007 11:52:19 GMT

Vúbdídúúúúúúúúúú............... Á morgun fáum við íbúðina okkar :) Mikið óskaplega hlakka ég mikið til að fara að skrúfa saman stóla og borð og þrífa og raða 4 diskum, 6 skálum og 12 glösum í eldhússkápana.

Það er svo innflutningspartý föstudaginn langa að Skólastíg 3, efri hæð...